ايه الحاجات اللي المفروض تعمليها والحاجات اللي تتجنبيها لما تلبسي البنطلون الجينز الهاي ويست

بتدورى على أفكار جديدة عشان تلبسي بيها البنطلون الجينز الهاي ويست، أو قررتى تجربى النوع ده من البنطلونات و مش عارفه ازاي ممكن تلبسيه عشان تعملى لوك مظبوط و من غير غلطات؟ في المقال ده هنقولك على ايه هي الحاجات اللي المفروض تعمليها والحاجات اللي تتجنبيها لما تلبسي البنطلون الجينز الهاي ويست..

موضة البنطلونات الهاي ويست رجعت بقوة من التسعينات و بقت كل البنات مهووسة بيها، وده لأنها بتدي شكل جميل للجسم و بتساعدك فى انك تباني أطول وأرفع، بس عشان تقدري تعملى لوك مظبوط في حاجات لازم تعرفيها..

1- أول حاجة هي انك مش لازم تنزلي تشتري جينز جديد عشان تعملي لوك الهاي ويست، ممكن ببساطة تدخلى التيشيرت أو البلوزة في البنطلون و ترفعى وسط الجينز بتاك شوية و هتبقى عملتى لوك هاي ويست من غير تكلفة جديدة عليكي.

2- ممكن تلبسي قميص مع الجينز بتاعك ، بس وانتى بتختاري القميص فكري في القمصان المخططة والقمصان الكلاسيكية القطنية.

3-جربى تلبسي التيشيرتات أو البلوزات القصيرة اللي طولها على وسط البنطون عشان تبينى الجينز بتاعك هاي ويست.

4- جربي كمان في الشتاء تدخلي التيشيرت في الجينز و تلبسي عليه بلايزر أو جاكت أو كارديجان طويل شوية عشان تعملى لوك شتوي عفوي وشيك مع الهاي ويست جينز.

5- ممكن تلبسي مع الجينز سنيكرز بلون مختلف وإكسسوارات بلون ذهبي سواء لو كانت الشوز بتاعتك مطرزة بيها أو لو هتضيفيها للوك بتاعك بسلسلة أو ساعة مثلا.

6- البسي مع الجينز ألوان مختلفة، جربي تلبسي على الجينز تيشيرت غامق أو أسود وطبعا الدرجات الفاتحة، الميزة في الجينز انه مابيفرضش عليكي لون معين عشان كده هو عملي و بيديكى فرصة تلبسي عليه أى حاجة انتى حاباها.

7- لو عايزة تعملي لوك كاجوال كلاسيكي شوية، البسي تيشيرت أبيض مع الجينز.

ازاى تلبسي الاكسسوارات مع البنطلون الجينز الهاي ويست؟

1- الحزام بيعتبر فكرة حلوة أوى عشان تبيني رجلك أطول وتبينى وسطك أرفع.

2- البسي سلسة أو إسورة أو ساعة ذهبية كبيرة مع الجينز عشان تضيفي لمسة من الشياكة للوك بتاعك.

3- لو بتحبي تلبسي الـ hat ممكن تلبسي منها هتضيف تغيير كبير للستايل بتاعك و هتبينه مختلف جدا.

4- ممكن تجربى تلبسي اسكارف صغير حوالين رقبتك علشان تعملي لوك إليجانت أكتر.

5- البسي مع الجينز شنطة oversized أو شنطة بلون مختلف وجرئ .

6- ممكن تلبسي جاكيت جلد قصير أو جاكت فرو طويل مع الجينز الهاي ويست في الشتاء.

امتى تلبسي البنطلون الهاي ويست

1- ممكن تلبسيهم في خروجة مع صندل عالى بـ straps وبلوزة سوداء .

2- ممكن تلبسي عليه كمان بلايزر oversized مع شوز كعب بلون واضح فى خروجاتك الرسمية شوية او اجتماعاتك المهمة .

3- ممكن تلبسي عليه سنيكرز بلون دهبي أو فضى مع تيشيرت مخطط و شنطة بحجم oversized للشغل .

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.