ايه هى أسباب ظهور البقع السوداء و ازاى تعالجيها بمواد طبيعية فى البيت؟

البقع السوداء اللى بتظهر على البشرة بتعتبر من أكتر الحاجا المزعجة اللى بتضايق البنات، خصوصا انه علاجها بيكون صعب جدا و كمان شكلها أحيانا بيكون مزعج، وعلشان دايما الوقاية أفضل من العلاج يبقى مهم جدا ان تعرفى ايه هى الاسباب اللى بتأدى فى الآخر لظهور البقع السوداء وتتجنبيها من البداية، ولو الوقت عدى و لقيتى بتعانى مننها خلاص، ماتقلقيش.. فى المقال ده بنات حوا هيقولولك ايه هى أسباب ظهور البقع السوداء و ازاى تعالجيها بمواد طبيعية فى البيت؟

ايه هى أسباب ظهور البقع السوداء و ازاى تعالجيها بمواد طبيعية فى البيت؟

في الأول خلينا نعرف ايه هى اسباب ظهرو البقع السوداء؟

1- الضرر اللي بتسببه الشمس:

السبب الأكثر انتشارا للبقع السوداء خصوصا على الوجه هو التعرض المباشر و المتكرر للشمس من غير حماية كفاية،لأنه أشعة الشمس الضارة بتكسالكولاجين في البشرة و ده بيخلى الجلد يفرز كمية أكبر من مادة الميلانين الممسؤولة عن لون الجلد و العين، ولما المادة دى إفرازها بيزيد عن العادي ده بيتسبب في ظهور البقع الغامقة او اللى بنقول عليها البقع السوداء. الضرر ممكن مايبانش دلوقتى وانتى لسه فى سن الشباب ، لكن هيبان على بشرتك مع بداية الأربعينات.

2- الكلف:

الكلف هو عبارة عن بقع لونها من الرمادي الخفيف للبني بتظهر على الجلد، وبرده بتتكون بسبب التعرض لأشعة الشمس أثناء الحمل.

3- حب الشباب:

حبوب الشباب كمان بتسبب التهابات للجلد، والالتهابات دى بعد كده ممكن تتسبب في ظهور بقع غامقة على بشرتك، علشان كده لو بتعانى من حب الشباب لازم تتعالجي منه كويس جدا.

ازاى تعالجيها بمواد طبيعية فى البيت؟

الليمون :

عصير الليمون بيحتوى على حمض، والأحماض ليها خواص مبيضة وبتساعد على تقليل التلون الزيادة فى البشرة، استخدمى قطعة قطن مبللة بعصير الليمون و امسحى بيها المناطق الغامقة مرتين فى اليوم، لكن فى الاول حاولى تجربيها على منطقة صغيرة علشان تتأكدى انه الليمون مش هيسبب لك اى حساسية او تهيج، لو بشرتك طلعت حساسة ييقى الافضل تخففى الليمون بشوية مياة.

جيل الألوفيرا :

الجيل الموجود فى الصبار مليان بمضادات الأكسدة و الفيتامينات زى فيتامين A, C, E و الفيتامينات دى كلها بتقلل من التصبغات الزيادة و بتساعد فى تفتيح ونضارة البشرة، فيتامين A بيسرع من عملية تخلص البشرة من المواد الضارة و فيتامين C بيفتح البشرة، اما فيتامين E بيجدد خلايا البشرة، الصبار بيشتغل كويس أوى على البقع الغامقة خصوصا لو كانت اتكونت عندك بسبب التعرض للشمس.

تقدرى تلاقي جيل الصبار الطبيعى %100 بسهولة فى الاسواق، ولو انتى عندك صبار في البلكونة مثلا بتقدرى تقشريه وتستخرجى منه الجيل بسهولة.

الزبادي :

الزبادى ومنتجات الألبان بشكل عام بتحتوى على نسب عالية اوى من الـ lactic acid ، و ده بيفتح وينعم و ينضف البشرة، ممكن تفردى اللبن او الزبادي على بشرتك زى الماسك و سيبيه حوالي 20 دقيقة قبل ما تغسليه بالمياة.

خل التفاح :

خل التفاح غني جدا بمضادات الأكسدة، و المادة دى بتقدرى من خلالها تتحكمي في كثافة التصبغات الموجودة فى البشرة و كمان بتقدرى من خلاله تتخلصى من خلايا البشرة الميتة و تفتحى المجال للخلايا الجديدة.

امزجي كميات متساوية من خل التفاح والمياة ووزعيهم على وشك لأنه المزيج ده متعادل الـ PH فكأنه تونر بالضبط، ولو ريحة الخل ضايقتك، سيبي المزيج على جنب 20 دقيقة قبل ما تستخدميه، وسيبيه على بشرتك 20 دقيقة وبعدين اشطفيه.