انتي محتاجة تاكلي الخلطة دي لو بتعاني من تساقط الشعر وضوافرك ضعيفة بتتكسر ومش بتنامي كويس

لو بتعاني من تساقط الشعر وضوافرك ضعيفة وهشة وبتتكسر ومش بتنامي كويس, هنا ممكن تكون في مشكلة في الغدة الكظرية, ودي عبارة عن غدد صماء موجودة في الجزء العلوي من الكليتين, ووظيفتهم انتاج كتير من الهرمونات اللي بيحتاجها الجسم منها الادرينالين والمنشطات, والهرمونات دي مهمة جدا لانها بتساعد على تنظيم عملية التمثيل الغذائي, وبتقوي جهاز المناعة, وبتنظم ضغط الدم, وبتساعد الجسم على التعامل مع الاجهاد, واي خلل فيها ممكن يسبب مشاكل صحية, والنهاردة جايبين لكم خلطة للشعر والضوافر والصحة بشكل عام بمكونات طبيعية موجودة في البيت, والخلطة بسيطة اوي لكن فعالة جدا لانها بتساعد الغدد الكظرية انها تبقى في افضل حالاتها وتأدي وظيفتها بشكل سليم في الجسم.

خلطة للشعر والضوافر والصحة:

المكونات:

– 4 معالق كبيرة عسل نحل.

– من 2 – 4 حزم بقدونس متقطعين “حوالي 48 عود”.

– 1 معلقة كبيرة جنزبيل مبشور او جنزبيل بودرة ” معلقة كبيرة من جذور الجنزبيل الفريش بتساوي تقريبا ¼ معلقة صغيرة جنزبيل بودرة”.

– 120 جرام من الجوز البرازيلي “هنلاقيه في الهايبر ماركت, ولو مش متوفر ممكن نستبدله باللوز او الكاجو”.

– 100 جرام زبيب.

طريقة التحضير:

اخلطي البقدونس مع الجوز واطحنيهم مع بعض في البلندر.

بعد كده ضيفي لهم الزبيب والجنزبيل والعسل, واضربي المكونات كلها تاني مع بعض.

طريقة الاستخدام:

كلي من الخليط 2 معلقة كبيرة الصبح قبل الفطار على معدة فاضية, وخدي منه من 2 – 3 مرات في الاسبوع, عشان تستعيدي توازن جسمك, وهتلاحظي بعد فترة قصيرة من الانتظام على الخليط ده التغيير على جسمك كله, هتلاقي نفسك بقيتي تنامي كويس جدا, وشعرك هيبطل يتساقط وهيبقى اقوى وبيلمع وصحي اكتر, وضوافرك كمان هتبقى اقوى وصحية ومش هتتكسر..شوفي من هنا 13 طريقة طبيعية لضوافر صحية واقوى واحلى.